Vətən özüm, vətən sözüm
Mayın 19-da rayon Mədəniyyət və Turizm şöbəsi və C.Cabbarlı adına Mərkəzi Kitabxananın təşkilatçılığı ilə “Vətən özüm, vətən sözüm” adlı VIII ənənəvi Ümumrespublika Kitab Bayramı keçirilmişdir. Ulu Öndər Heydər Əliyevin anadan olmasının 93-cü ildönümü münasibətilə keçirilən kitab bayramı vətənpərvər ədəbiyyatımıza və şəhidlərimizin əziz xatirəsinə həsr olunmuşdur.
İctimaiyyət nümayəndələrinin, ziyalıların, kitabsevərlərin iştirak etdiyi tədbirdə rayon İcra Hakimiyyəti başçısının İctimai-siyasi və humanitar məsələlər üzrə müavini Vəfa xanım Heydərova Mədəniyyət və Turizm Nazirliyinin təşəbbüsü ilə artıq 8-ci dəfədir ki keçirilən ənənəvi kitab bayramlarının əhəmiyyətindən danışmış, kitabsevərləri əlamətdar bayram münasibətilə təbrik etmiş, bilik mənbəyi olan kitabın daha geniş təbliğ olunmasında belə tədbirlərin əhəmiyyətini xüsusi vurğulamışdır. O, aprel ayının əvvələrində cəbhə bölgəsində ordumuzun qazandığı uğurları diqqətə catdıraraq, kitab bayramının hərbi vətənpərvərlik mövzusuna həsr olunmasını təsadüf olmadığını bildirmişdir.
Çıxış edənlər kitab bayramlarının uşaq və yeniyetmələrin, gənclərin mütaliəyə olan maraqlarının artmasına köməklik göstərdiyini söyləmişlər.
Daha sonra tədbir məktəblilərin vətənpərvərlik ruhunda ifa etdiyi mahnı və şeirlərlə davam etmişdir.