Konstitusiya Günü qeyd olunmuşdur
Rayonda 12 noyabr-Konstitusiya Gününə həsr olunmuş elmi-praktiki konfrans keçirilmişdir.
Tədbir iştirakçıları əvvəlcə ümummilli lider Heydər Əliyevin şəhərin mərkəzi meydanında ucaldılmış abidəsi önünə gül-çiçək düzmüş, xatirəsini ehtiramla yad etmişlər.
Sonra tədbir Heydər Əliyev Mərkəzində davam etmişdir. Rayon rəhbərliyi, hüquq-mühafizə orqanlarının, idarə, müəssisə və təşkilatların, ictimaiyyətin nümayəndələrinin iştirak etdiyi konfransı giriş sözü ilə açan RİH başçısı Musa Şəkiliyev ümummilli lider Heydər Əliyevin bilavasitə rəhbərliyi ilə hazırlanmış və 1995-ci il noyabrın 12-də ümumxalq səsverməsi yolu ilə qəbul olunmuş Əsas Qanunun - Konstitusiyanın demokratik dövlət və cəmiyyət quruculuğu baxımından böyük əhəmiyyət kəsb etdiyini bildirmiş, bu əlamətdar tarixi gün münasibətilə respublikamızın hər yerində olduğu kimi, rayonumuzda da silsilə tədbirlərin keçirildiyini diqqətə çatdırmışdır.
Tədbirdə çıxış edənlər Konstitusiyanın beynəlxalq hüquq normalarına uyğun, insan hüquq və azadlıqlarına geniş yer ayıran mükəmməl normativ-hüquqi sənəd olduğunu qeyd etmiş, Konstitusiyanın qəbul edilməsində ulu öndər Heydər Əliyevin tarixi xidmətlərini xüsusi vurğulanmışlar.
