Səyyar “Asan xidmət” rayonumuzdadır

“ASAN xidmət”in müasir texnoloji avadanlıqla təchiz edilmiş irihəcmli xüsusi avtobusu 01 mart 2021-ci il tarixdən başlayaraq rayonda sakinlərə səyyar xidmət göstərir.
Rayon sakinləri  xüsusi karantin rejiminin tələblərinə əməl etməklə əvvəlcə məlumat bürosundan növbə almalıdırlar. Daha sonra növbə əsasında avtobusa daxil olaraq, müraciətlərini edə bilərlər.
“Asan xidmət” sakinlərə səyyar şəkildə tərcümə, tibbi, bank xidmətləri, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyesterindən arayışın verilməsi, mənzillər üzərində mülkiyyət hüquqlarının dövlət qeydiyyatına alınması barədə çıxarışların verilməsi, yaşayış evlərinin (fərdi) üzərində mülkiyyət hüquqlarının dövlət qeydiyyatına alınması barədə çıxarışların (ilkin qeydiyyat istisna olmaqla) verilməsi, əmək pensiyalarının təyin olunması, ümumvətəndaş pasportalarının verilməsi və dəyişdirilməsi, şəxsiyyət vəsiqələrinin verilməsi və dəyişdirilməsi, vətəndaşlıq vəziyyəti aktlarının dövlət qeydiyyatı, notariat fəaliyyəti və digər xidmətlər göstərir.
“ASAN xidmət”in səyyar avtobusu rayonda 19 mart 2021-ci il tarixədək   xidmət göstərəcəkdir.

İş  saatı: 10:00-18:00
Nahar  fasiləsi: 14:00-15:00
İstirahət: Şənbə və  Bazar  günləri