Rayonda indiyədək 1489 hektarda dən üçün qarğıdalı əkilib
Rayonun təsərrüfatlarında dən üçün qarğıdalı əkini mütəşəkkil davam etdirilir. Cari təsərrüfat ilində rayonda 1800 hektaradək sahədə qarğıdalı əkilməsi nəzərdə tutulmuşdur. Torpaq mülkiyyətçiləri bu günədək 1489 hektar sahədə qarğıdalı əkmişlər.
İndiyədək rayonun Güllük kəndində 240 hektar, rayon Aqroparkının ərazisində 200 hektar, Tasmalı kəndində 190 hektar, Əlibəyli kəndində isə 180 hektar sahəyə qarğıdalı toxumu səpilmişdir.
Hazırda qarğıdalı əkilən sahələrdə aqrotexniki tədbirlərə də başlanılmışdır. Əkin sahələrində cərgələrarası becərmə işləri aparılmış, alaq otlarına qarşı kimyəvi mübarizə tədbirləri görülmüş, bitkiyə yemləmə (azot) gübrəsi verilmişdir.
Rayonun fermerləri ötənilki mövsümdə 1887 hektar qarğıdalı sahəsindən 15 min 909 ton məhsul əldə etmişlər. Dən qarğıdalı istehsalı əvvəlki illə müqayisədə 3 min 151 ton artmışdır. Hər hektardan orta hesabla 84,3 sentner məhsul götürülmüşdür.
.jpg)
