Mədəniyyət və turizm naziri vətəndaşları qəbul etmişdir
İyulun 25-də mədəniyyət və turizm naziri Əbülfəs Qarayev Heydər Əliyev Mərkəzində vətəndaşları qəbul etmişdir. Nazirliyin struktur rəhbərlərinin iştirakı ilə keçirilən qəbul zamanı vətəndaşların müraciətləri əsasən, mədəniyyət müəssisələrin maddi-texniki bazasının möhkəmləndirilməsi, təmiri, fəxri adların verilməsi, işlə təmin olunma və digər məsələlərlə bağlı olmuşdur. Qəbulda Qax rayonunun Qum kəndində yarımçıq qalmış mədəniyyət evinin tikintisinin başa çatdırılması, Qax rayonunun Əlibəyli kəndində Dövlət Gürcü Dram Teatrı üçün yeni binanın tikintisi, Ləkit kəndindəki V əsrə aid dünya əhəmiyyətli alban məbədinin və digər məsələlərlə bağlı müraciətlər səsləndirilmişdir. Nazir Əbülfəs Qarayev hər bir vətəndaşı diqqətlə dinləmiş, onların müraciət və təkliflərinin həll olunması üçün müvafiq göstərişlərini vermişdir. Qəbula gələn vətəndaşlar onlar üçün yaradılan şəraitdən razı qaldıqlarını bildirmişlər.
