“SOS Uşaq Kəndləri-Azərbaycan” Assosiasiyası uşaqlar üçün yay düşərgəsi təşkil etmişdir
“SOS Uşaq Kəndləri-Azərbaycan” Assosiasiyası Qax rayonunun İlisu kəndində yerləşən “Ulu” istirahət mərkəzində uşaq və yeniyetmələr üçün yay istirahət düşərgəsi təşkil etmişdir. Beş günlük düşərgədə assosiasiyanın Bakı və Gəncə təşkilatlarından, habelə Sumqayıt ailələrə dəstək layihəsindən cəlb olunmuş 30 uşaq və yeniyetmə iştirak etmişdir. Düşərgənin rəhbəri, “SOS Uşaq Kəndləri-Azərbaycan” Assosiasiyasının milli təhsil məsləhətçisi Nailə Nəbiyevanın bildirdiyinə görə, düşərgəyə cəlb olunanların 24 nəfəri valideyn himayəsindən məhrum olanlar, 6 nəfər isə aztəminatlı ailələrin uşaqlarıdır. Düşərgədə uşaqların istirahətlərinin mənalı və səmərəli keçməsi üçün hər cür şərait yaradılmışdır. Bundan əlavə, gündəliyə uyğun olaraq rayonun tarixi abidələrinə, Qax şəhərinin muzeylərinə, görməli yerlərinə ekskursiyalar da təşkil olunmuşdur.
