“Bilik günü” münasibəti ilə tədbirlər keçirilmişdir
15 sentyabr ictimaiyyətin yaddaşına “Bilik günü” kimi həkk olunmuşdur. Bu münasibətlə respublikanın ümumtəhsil məktəblərində, o cümlədən rayonumuzun ərazisində yerləşən təhsil ocaqlarında tədbirlər keçirilmişdir. Rayon rəhbərliyinin yaxından iştirak etdiyi tədbirlərdə məktəb müəllimlərinin, şagird heyətinin, valideynlər və birincilərin sevinci hədsiz idi. Tədbir iştirakçıları Azərbaycan xalqının ümummilli lideri Heydər Əliyevin təhsilin inkişafına, müəllimlərə həmişə böyük diqqət və qayğı ilə yanaşdığını, bu işi dövlət siyasətinin mühüm bir sahəsi hesab etdiyini bildirmiş və məhz bu gün də təhsil sahəsi möhtərəm Prezidentimiz İlham Əliyevin qayğı ilə yanaşdığı sahələrdən biri kimi qeyd edilmişdir. “İlk zəng”in səslənməsi ilə yeni dərs ilinə başlanmışdır.
Rayon İcra Hakimiyyətinin başçısı Musa Şəkiliyev “Bilik günü” münasibətilə rayonun 4 nömrəli orta məktəbində olmuş və çıxış edərək məktəbdə təhsil alan şagirdləri yeni dərs ilinin başlanması münasibətilə təbrik etmiş, onlara ən xoş arzularını çatdırmışdır. Qeyd etmək lazımdır ki, 4 nömrəli orta məktəb əsaslı təmirdən sonra şagird və müəllim heyətinin istifadəsinə verilmişdir.
