Ali məktəblərə keçirilən qəbul imtahanlarında yüksək nəticə göstərən məzunlar mükafatlandırılıb
Bu il ali məktəblərə keçirilən qəbul imtahanlarında yüksək bal toplayaraq tələbə adını qazanan məzunlarla görüş keçirilib.
Rayon İcra Hakimiyyətində keçirilən görüşdə rayonun orta ümumtəhsil məktəblərini bitirən məzunların cari ildə yüksək nəticələr əldə etdikləri vurğulanıb. Rayonun tam orta məktəblərinin Azərbaycan və rus bölmələrini bitirmiş 438 nəfər məzundan 276 nəfəri ali məktəblərə qəbul imtahanlarında iştirak etmişdir. Qeyd olunub ki, məzunlardan 1 nəfəri qızıl medala layiq görülüb. Qəbulun nəticələrinə görə bu il 172 nəfər tələbə adını qazanmışdır. Ali məktəblərə daxil olan abituriyentlərdən 11 nəfəri 600-dən yuxarı, 36 nəfər isə 500-700 arası bal toplamışdır.
Rayon İcra Hakimiyyətinin başçısı Musa Şəkiliyev ən yüksək bal toplayan tələbələri qazandıqları uğur münasibətilə təbrik edərək onlara qiymətli hədiyyələr təqdim edib.