Rayonda Vətən müharibəsi şəhidlərinin xatirəsi anılıb
Möhtəşəm qələbələri ilə tarix yazan yenilməz Azərbaycan Ordusu müzəffər Ali Baş Komandan cənab İlham Əliyevin komandanlığı ilə 44 günlük Vətən müharibəsində Zəfər qazandı. Vətən uğrunda canından, qanından keçməyə hazır olan əsgər və zabitlərimiz döyüşlərin hər birində xüsusi qəhrəmanlıq nümunələri göstərərək, Azərbaycanın hərb tarixində yeni səlnamə yazdı. O qəhrəmanlardan bir çoxu Şəhid olaraq əbədiyyata qovuşdu, xalqımızın qəlbində əbədi zirvəyə ucaldı. Onlar öz qəhrəmanlıqları ilə Azərbaycanın ərazi bütövlüyünün bərpa edilməsinə, işğalda olan torpaqlarımızın düşməndən azad etdilməsinə nail oldular. Qəhrəman oğullarımızı tanımaq, onların əziz xatirəsini yad etmək, şücaətləri ilə qürur duymaq hər bir Azərbaycan vətəndaşının şərəf borcudur.
Cəbhə boyu Şuşayadək bütün ərazilərin işğaldan azad edilməsində rəşadətli döyüş yolu keçmiş rayonumuzun şəhidləri Ali Baş Komandan cənab İlham Əliyevin imzaladığı sərəncamlarla fəxri adlarla, müxtəlif orden və medallarla təltif edilmişdir.
Həftə ərzində rayonumuzda Vətən müharibəsində qəhrəmancasına döyüşmüş şəhidlərimizdən Abbasov Ramin Sabir oğlunun, Allahverdiyev İsgəndər Nəsir oğlunun və Babayev Samsun Şəmsəddin oğlunun doğum günləri ilə əlaqədar olaraq tədbirlər keçirilmişdir.
Tədbirlərdə rayon rəhbərliyi və hüquq-mühafizə orqanlarının rəhbərləri, şəhidlərin ailə üzvləri, ictimaiyyət nümayəndələri, gənclər, məktəblilər iştirak etmişlər. Şəhidlərin məzarları üzərinə gül dəstələri düzülmüş, ruhlarına dualar oxunmuş, xatirələri ehtiramla yad edilmişdir.
Mərasimlərdə şəhidlərin Vətən müharibəsindəki şücaətlərindən, onların şərəfli döyüş yollarından söz açılmış, məktəblilər və gənclər bədii kompazisiyalarla çıxış etmişdir.
Ərazi bütövlüyümüzün bərpa olunması uğrunda canından keçmiş bütün şəhidlərimizə Allahdan rəhmət, qazilərimizə isə şəfa diləyirik!
Eşq olsun Müzəffər Ali Baş Komandana və qalib Azərbaycan xalqına !