Anım günü ərəfəsində qazilər ziyarət edilib
Rayon rəhbərliyinin, hüquq-mühafizə orqanlarının, idarə, müəssisə və təşkilat rəhbərlərinin iştirakı ilə 27 sentyabr anım günü ərəfəsində ənənəvi olaraq qazilər evlərində ziyarət edilmiş, onları narahat edən məsələlər öyrənilmişdir.
Görüş zamanı 44 günlük Vətən müharibəsində Müzəffər Ali Baş Komandan İlham Əliyevin rəhbərliyi altında Azərbaycan Ordusunun döyüş meydanında əldə etdiyi şanlı Zəfərdən, ölkəmizdə şəhid ailələrinə və qazilərə göstərilən dövlət qayğısından söhbət açılmışdır. Həmçinin Azərbaycan Ordusu tərəfindən Qarabağdakı erməni terrorçularını zərərsizləşdirmək üçün anti-terror tədbirlərində qazanılan uğurlardan danışılmış, qazilər səhhətlərində problem olmasına baxmayaraq, daima Vətənin keşiyində durmağa hazır olduqlarını bildirmişlər.
Qazilər onlara göstərilən yüksək diqqət və qayğıya görə ölkə başçısına öz minnətdarlıqlarını bildirmişlər.
