Musayev Əli Həsən oğlu
Musayev Əli Həsən oğlu 1950-ci ildə Qax rayonunun İlisu kəndində anadan olmuşdur. 1967-ci ildə Qax şəhər 1 nömrəli tam orta məktəbini, 1971- ci ildə isə Azərbaycan Xalq Təsərüffatı İnustutunu (indiki İqtisad Universiteti) bitirmişdir. Həmçinin 1981-ci ildə Rusiyanın Sverdlovsk (indiki Yekaterinburq) şəhərində Hüquq institunun qiyabi şöbəsində hüquq təhsili almış və eyni zamanda Karpinsk şəhərində daxili işlər şöbəsinin cinayət axtarışı bölməsində çalışmışdır.1986-cı ildə Özbəkistanın Zərəfşan şəhərinə xidmətə göndərilmiş, orada cinayət axtarış bölməsinin rəisi vəzifəsində çalışmışdır. 1990-cı ildə Azərbaycana qayıtdıqdan sonra isə Qax rayon Daxili İşlər Şöbəsində baş əməliyyat müvəkkili vəzifəsinə təyin olunmuşdur. 1992-ci il mayın əvvəlində Şuşa şəhərinin müdafiəsi uğrunda gedən döyüşlərdə qəhrəmancasına vuruşmuş və may ayının 8- də itkin düşmüşdür.
