Nicat Mənəfovun anım mərasimi keçirilmişdir.
Vətən müharibəsində torpaqlarımızın azad olunması uğrunda canından keçən igid oğullarımızdan biridə Nicat Mənəfovdur. Noyabrın dördündə şəhidin anım mərasimi keçirilmişdir. Anım mərasimində rayon rəhbərliyi, hüquq-mühafizə orqanları və ictimaiyyətin nümayəndələri şəhidin məzarını ziyarət etmiş, xatirəsini ehtiramla yad edərək ruhuna dualar oxumuşlar. Nicat Mənəfov 18 yanvar 2001-ci il tarixdə rayonun Qaradolaq kəndində doğulmuşdur. O, noyabrın dördündə Şuşa uğrunda gedən döyüşlərdə şəhidlik zirvəsinə ucalmışdır.
Nicat Mənəfov ölümündən sonra "Vətən uğrunda" , “Füzulinin azad olunmasına görə”, “Cəsur döyüşçü” və “ Xocavəndin azad olunmasına görə” medalları ilə təltif edilmişdir.
Allah bütün şəhidlərimizə rəhmət eləsin!