Qax Rayon İcra Hakimiyyətinin başçısı Elvin Paşayev Zərnə kəndində sakinlərlə görüşüb.
Qax Rayon İcra Hakimiyyətinin başçısı Elvin Paşayev Zərnə kəndində sakinlərlə görüşüb.
Görüşdə Aparatın məsul şəxsləri, rayonun hüquq-mühafizə orqanlarının rəhbərləri, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak edib.
RİH başçısı əvvəlcə Zərnə kənd qəbiristanlığında şəhidlərimizin məzarlarını ziyarət edib, sonra isə şəhid ailəsi ilə görüşərək onların müraciətini dinləyib.
Kənd sakinləri ilə görüşdə rayon İcra Hakimiyyəti başçısı Elvin Paşayev respublikamızda aparılan sosial-iqtisadi islahatlardan, əhalinin rifah halının yüksəldilməsi sahəsində görülən işlərdən, dövlət-vətəndaş münasibətlərinin yüksələn xətlə inkişafından danışaraq, uğurlu siyasət nəticəsində ölkədə bütün sahələrdə əldə olunan nailiyyətlərdən söz açıb.
Görüşdə eyni zamanda Elektron Hökumət Portalı tərəfindən yaradılmış Rəqəmsal İcra Hakimiyyəti platforması və bu xidmətin əlçatan və üstünlükləri barədə vətəndaşlara məlumat verilərək, onlara https://rih.gov.az/ platformasından istifadə etmək tövsiyə olunmuşdur.
Səyyar görüşdə sakinlər tərəfindən kəndin qazlaşdırılması, köhnəlmiş elektrik xətlərinin yenilənməsi, kəndin giriş yolunun təmirsiz qalan 2 km-lik hissəsinə asfalt örütüyünün çəkilməsi və digər sosial məsələlərlə bağlı müraciətlər səsləndirilib.
Hər bir vətəndaşın müraciətini dinləyən RİH başçısı Elvin Paşayev bəzi məsələlərin yerindəcə həlli üçün aidiyyəti qurumlara müvafiq tapşırıqlar verib.
