Qaxda “Şən Bazar” festivalı keçiriləcək
09 oktyabr 2026 | 18:29
Qaxda “Şən Bazar” festivalı keçiriləcək
Azərbaycan Respublikası Dövlət Turizm Agentliyinin Şəki Regional Turizm İdarəsi tərəfindən Qax rayonunun zəngin mədəni irsini, milli sənətkarlığını, yerli qastronomiyasını və musiqi ənənələrini bir araya gətirən “Şən Bazar” festivalı keçiriləcək.Festival çərçivəsində ziyarətçilər Qaxın tarixi-mədəni irsi ilə tanış olacaq, yerli sənətkarların əl işlərini görəcək, canlı sənətkarlıq nümayişləri və ustad dərslərində iştirak edəcək, bölgəyə məxsus ləziz təamları dadacaq və müxtəlif mədəni-musiqili proqramları izləyəcəklər. 
Festivalın əsas məqsədi Qaxın turizm və mədəni irs potensialının tanıdılması, yerli sənətkar və sahibkarların fəaliyyətinin dəstəklənməsi, eləcə də tarixi İçəribazar məkanının sosial və turizm baxımından daha da canlandırılmasıdır.
“Şən Bazar” – Qaxın tarixi, sənəti, dadları və musiqisinin bir məkanda görüşdüyü festival!
10–11 oktyabr | Saat 12:00
Qax şəhəri, İçəribazar ərazisiQaxın turizm potensialını,mədəni irsini, sənətkarlığını və zəngin qastronomiyasını bir arada kəşf etmək üçün “Şən Bazar”da hər birinizi gözləyirik!
Keçidlər
