Rayonda anım mərasimləri keçirilmişdir.
Rayonda torpaqlarımızın işğaldan azad edilməsi uğrunda gedən döyüşlərdə qəhrəmancasına şəhidlik zirvəsinə ucalan igid oğullarımızın doğum və anım günlərində xatirələrinin anılması, ailələrinin ziyarət olunması artıq ənənə halını almışdır.
Bu günlərdə Musayev Sahib Musa oğlu, Hacıəhmədli Hacıəhməd Həsən oğlu və Səfərov Əfəndi Cahangir oğlunun anım günlərində xatirələri yad edilib.
Anım mərasimlərində rayon rəhbərliyi, YAP Qax rayon təşkilatının rəhbər şəxsləri, hüquq-mühafizə orqanları və ictimaiyyətin nümayəndələri iştirak etmişlər. Şəhidlərin məzarları üzərinə gül dəstələri düzülmüş, ruhlarına dualar oxunmuş, xatirələri ehtiramla yad edilmişdir. Anım mərasimlərində şəhidlərin döyüşlərdəki şücaətlərindən, onların şərəfli döyüş yollarından söz açılmışdır.
Ərazi bütövlüyümüzün bərpa olunması uğrunda canından keçmiş bütün şəhidlərimizə Allahdan rəhmət, qazilərimizə isə şəfa diləyirik.