RİH başçısının Ağyazı kəndinin sakinləri ilə növbəti səyyar görüşü keçirilmişdir.
22 noyabr 2023 | 17:49
Azərbaycan Respublikasının Prezidenti cənab İlham Əliyevin tapşırığına uyğun olaraq Ağyazı kəndində rayon İcra Hakimiyyətinin başçısı Musa Şəkiliyevin növbəti səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kənddə elektrik təchizatının yaxşılaşdırılmasına, kənddaxili küçələrin işıqlandırılmasına, tibb məntəqəsinin daimi tibb işçisi ilə təmin olunmasına və örüş sahələrinin məhdud olduğu bildirilərək müvafiq köməklik göstərilməsi ilə bağlı olmuşdur.
Qəbulda vətəndaşlar tərəfindən qaldırılan məsələlərin həlli ilə bağlı müvafiq tədbirlərin görüləcəyi bildirilmişdir.
Keçidlər
