RİH başçısının Böyük Alatəmir kəndində sakinlərlə növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Böyük Alatəmir kəndində 21 dekabr 2022-ci il tarixində rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kənd küçələrinin işıqlanmasına, fərdi yaşayış evinə qaz xəttinin çəkilişinə, vətəndaşların mülkiyyətində olan bağ sahələrinin sənədləşməsinə, kənd klubuna elektrik enerjisinin verilişində yaranan problemin həll olunmasına köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda Vətən müharibəsi veteranları və onların ailə üzvləri ilə görüş keçirilmişdir.
