RİH başçısının Dəymədağlı kəndinin sakinləri ilə növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Dəymədağlı kəndində 24 fevral 2023-ci il tarixində rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kəndin suvarma kanalının texnika vasitəsi ilə təmizlənməsi, suvarma suyunun Almalı və Dəymədağlı kəndlərinə qrafik əsasında verilməsi, fərdi yaşayış evinə qaz xəttinin çəkilişi üçün dövlət rüsumunun ödəndiyi bildirilərək qaz xəttinin çəkilməsinin tezləşdirilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda Vətən müharibəsi iştirakçılarıyla görüş keçirilmişdir.