RİH başçısının Əmircan kəndində sakinlərlə növbəti səyyar görüşü keçirilmişdir
Əmircan kəndində 22 noyabr 2022-ci il tarixində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kəndin yeni yaşayış massivinə qaz xəttinin çəkilməsinə, kənddəki qəzalı elektrik dirəklərinin dəyişdirilməsinə, kəndin küçələrinin işıqlandırılmasına, aqrar islahat zamanı əmlak payı kimi verilmiş obyektə elektrik sayğacının qoyulmasına, vətəndaşların mülkiyyətində olan bağ sahələrinin sənədləşməsinə, həyətyanı torpaq sahəsinin verilməsinə, özünəməşğulluq proqramına qoşulmasına və münasib işlə təmin olunmasına köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda şəhid ailəsi və Vətən müharibəsi iştirakçıları ilə görüş keçirilmişdir.