RİH başçısının Güllük kəndinin sakinləri ilə növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Güllük kəndində 31 yanvar 2023-ci il tarixində rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kənddə vətəndaşlara məxsus bağ sahələrinin sənədləşməsinə, yay aylarında suvarma suyunun sahələrə daha tez çatdırılması üçün köhnə su kanalı vasitəsi ilə verilməsinə, məktəbin qarşısındakı avtomobil yoluna sürət məhdudiyyəti yol nişanının qoyulmasına, kəndin küçələrinin işıqlanmasına, ərazidəki elektrik transfarmatorunun yenisi ilə əvəz olunmasına köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda Vətən müharibəsi iştirakçısı ilə görüş keçirilmişdir.