RİH başçısının Qaxingiloy kəndində sakinlərlə növbəti səyyar görüşü keçirilmişdir.
Qaxingiloy kəndində 29 noyabr 2022-ci il tarixində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kənddə yeni asfalt salınmış küçənin işıqlandırılmasına, islahat dövründə vətəndaşların mülkiyyətinə verilmiş bağ sahələrinin sənədləşməsinə köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda Vətən müharibəsi iştirakçıları və qazilərlə görüş keçirilmişdir.