RİH başçısının Şıxlar kəndinin sakinləri ilə növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Şıxlar kəndində 24 yanvar 2023-ci il tarixində rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kənd məktəbinin həyətindəki qəzalı elektrik dirəklərinin dəyişdirilməsinə, yay aylarında suvarma suyunun qrafikə uyğun olaraq verilməsinə, suvarma kanalının təmizlənməsinə, kənddaxili yola çınqılın döşənməsinə, kənd klubunun təmir olunmasına, pay torpaq sahəsinə getmək üçün yol yerinin ayrılmasına, kəndə qazın çəkilməsinə köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda Vətən müharibəsi iştirakçısı ilə görüş keçirilmişdir.