RİH başçısının Şotavar kəndində sakinlərlə növbəti səyyar görüşü keçirilmişdir.
Şotavar kəndində 16 dekabr 2022-ci il tarixində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kənddə məktəbin həyətindən keçən elektrik xətlərinin təmirinə və qəzalı elektrik dirəklərinin dəyişdirilməsinə, içməli su probleminin həll olunmasına, kənd yolunun texnika vasitəsilə təmir olunmasına, suvarma kanalının təmirinə və onun təmizlənməsinə köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda şəhid ailələri və qazilərlə görüş keçirilmişdir.