RİH başçısının Süskənd kəndinin sakinləri ilə növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Süskənd kəndində 4 iyul 2023-cü il tarixində rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kəndin taxıl sahələrinin biçilməsi üçün kombayınla təmin olunmasına, telefon xətlərindəki nasazlığın aradan qaldırılmasına, uşaqlar üçün idman qurğularının quraşdırılmasına, içməli su təminatını yaxşılaşdırmaq məqsədi ilə artezian quyusunun təmizlənməsinə köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir.
