RİH başçısının Turaclı kəndinin sakinləri ilə növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Turaclı kəndində rayon İcra Hakimiyyətinin başçısı Musa Şəkiliyevin növbəti səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir.
Müraciətlər kəndin daxili yollarında yaranmış çalaların təmir olunması üçün qum-çınqıl verilməsinə, kənddaxili yolların hamarlanması və su arxlarınan məcralarının təmizlənməsi üçün texnika ilə köməklik göstərilməsinə, Turaclı kəndində bələdiyyənin ehtiyat fondunda həyətyanı üçün torpaq sahələri olmadığı üçün digər kateqoriyadan olan torpaqların təyinatının dəyişdirilərək həyətyanı üçün ayrılmasına köməklik göstərilməsi ilə bağlı olmuşdur.
Qəbulda vətəndaşlar tərəfindən qaldırılan məsələlərin həlli ilə bağlı müvafiq tədbirlərin görüləcəyi bildirilmişdir.
