RİH başçısının Zəyəm kəndinin sakinləri ilə növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Zəyəm kəndində 21 fevral 2023-ci il tarixində rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kəndin yeni yaşayış massivinə telefon xəttinin çəkilməsinə, kənddaxili yolların təmirinə, zəyəm kəndi ilə Tasmalı kəndi sərhəddindəki çay yatağının təmizlənməsinə,mədəniyyət evinin həyətyanı sahəsində olan elektrik dirəyinin yerinin dəyişdirilməsinə və ya elektrik naqillərinə maneə törədən ağacın budanmasına, əkin sahəsinə su kanalaının çəkilməsinə köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda Vətən müharibəsi iştirakçılarıyla görüş keçirilmişdir.