Sarıbaş kəndinin sakinləri ilə RİH başçısının növbəti səyyar görüşü keçirilmişdir.
Azərbaycan Respublikasının Prezidenti cənab İlham Əliyevin tapşırığına uyğun olaraq Sarıbaş kəndində 22 avqust 2023-ci il tarixində rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun aidiyyəti qurumların rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kənd yolunun təmir olunaraq körpünün salınmasına, tibb xidməti səviyyəsinin yaxşılaşdırılmasına, daimi yaşayan ailələrə odun yanacağının verilməsinə, kəndə məxsus örüş sahələrinin İlisu kənd sakinləri tərəfindən istifadə edilməsinin qarşısının alınmasına köməklik gostərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir.
