Şəhidlərimizin anım mərasimləri keçirilmişdir.
Torpaqlarımızın işğaldan azad olunması uğrunda canlarını fəda edən igid oğullarımızın şəhidlik zirvəsinə yüksəlməsindən iki il ötür.
Bu həftə də ənənəvi olaraq rayonumuzda Vətən müharibəsində qəhrəmancasına döyüşmüş şəhidlərimizdən Bünyadlı Rəvan Asif oğlu, Rəsulzadə Təbriz Əfraim oğlunun, Dursunov Fərid Fazil oğlunun, Məmmədli Kənan Vəfadar oğlunun, İsrafilov Abdulla Yadigaroviçin anım mərasimləri keçirilmişdir.
Tədbirdə rayonun və hüquq-mühafizə orqanlarının rəhbərləri, şəhidlərin ailə üzvləri iştirak etmişlər. Şəhidlərin məzarları üzərinə gül dəstələri düzülmüş, ruhlarına dualar oxunmuş, xatirələri ehtiramla yad edilmişdir.
Mərasimlərdə şəhidlərin Vətən müharibəsindəki şücaətlərindən, onların şərəfli döyüş yollarından söz açılmışdır.
Ərazi bütövlüyümüzün bərpa olunması uğrunda canından keçmiş bütün şəhidlərimizə Allahdan rəhmət, qazilərimizə isə şəfa diləyirik!
