Qum kəndininin sakinləri ilə görüş keçirilib
14 mart 2019 | 16:00
12 mart 2019-cu il tarixdə rayonun Qum kəndində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin növbəti səyyar qəbulu-görüşü keçirilmişdir.
Rayonun aidiyyəti qurumlarının rəhbərlərinin iştirakı ilə keçirilən qəbulda vətəndaşlar tərəfindən müraciətlər olunmuşdur.
Müraciətlərdə kəndin qaz xəttinin çəkilişini tezləşdirilməsi və yeni elektrik transformatorunun quraşdırılması kimi məsələlər öz əksini tapmışdır.
Vətəndaşların müraciətləri dinlənilmiş, qaldırılan məsələlərin həlli üçün rayonun müvafiq qurumlarına tapşırıqlar verilmişdir.